26 December 2011

Daboiy talking about Destiny

Madaling araw pagkatapos ng araw ng pasko at Christmas Party namin sa FYM o Franciscan Youth Movement ay nagtipon-tipon ang mga langgam para sa isang malaking tipak ng Pancit. Oo tama, hindi asukal kundi isang pancit, pancit na sumobra sa party. Bakit naman tipak ng pancit? Kasi akala mo maja siya, pancit pala, akala mo biko siya, pero pancit pala, akala mo cake siya pero pancit pala.


Sa bahay ng pinaka-genius sa grupo kami nagtungo, kina Jc. At para masarap ang kainan ay napabili na rin ng akala mo bawal na inumin, sabi nga ni Lourd de Veyra. At dahil mga wala ng budget ay shot-shot nalang, san ka pa! Pagdating sa bahay nila Jc ay may spaghetti, at ayun na-itchapwera ang akala mong maja, biko o cake na pancit. Naubos ang spag kaya napansin na ang pancit. 


Sa hinaba-haba ng oras, kwentuhan at dami ng pancit ay kung anu-ano na ang napag-usapan namin. Si Alvin a.k.a Daboiy... siya yung naka-violet sa picure :)




Mabalik kay Daboiy na may illustration sa taas ay bigla na lang nagsalita about sa DESTINY. Hindi ko na matandaan ang usapan, pero tungkol ata sa pag-ibig. Natuwa lang ako sa sinabi niyang "Pag pinagtagpo kayo ng pagkakataon DESTINY yun boy! Pero pag naging kayo na after nun, kayo na ang gagawa ng sarili niyong destiny. Naniniwala ako dun boy! Sa destiny na pinagtagpo kayo!" Sabay kaming nakikinig sa kanya "Boom! lupit mo boiy!!!"


Si Daboiy ang isa sa mga kabatch ko ng pumasok ako sa fy, sabi ng iba, mukha daw kaming magkapatid. Marami ng nagsabi, siguro dahil sa mga nagkakasundo naming kilay. Si Daboiy yung kapag nagkwekwento tawa na kami ng tawa kasi nakakatawa siya hindi yung kwento niya. Si Daboiy yung palakang tukmol ng grupo. Si Daboiy yung perfect attendacne kapag may kainan. Paalam na Daboiy, haha joke, hindi pa po siya patay, buhay na buhay po siya.


Bigla ko naisip yung mga sinabi niya about sa destiny. Hindi lahat ng bagay co-incidence lang. May mga bagay na mangyayari't mangyayari in the future, inevitable, unavoidable and God knew it all. Kung isang araw may dumating man na pagkakataon sa buhay mo, seize the moment, make it perfect. Kung isang araw may dumating na tao sa buhay mo, alagaan, pakaingatan at mahalin mo, kasi malay mo isang beses lang siyang nakatadhana para makilala ka. Nakakaawa nga si Tadhana, kasi siya nalang lagi ang sinisisi natin sa mga sablay na pagkakataon. Pero buti pa siya may ibinibigay na oportunidad para makilala ang taong mahal mo at ang mga moments na kasama nito. Eh siya? binigyan mo ba ng halaga ang mga bagay na ito na ibinigay niya sayo? 



1 comment:

  1. maganda ang isinulat mo, bilang bagets, tama ka na wag munang mag isip tungkol sa lovelife, dadating at dadating sya, and that is what you call destiny :) pero kung tatanggapin mo sya o hindi, that is what you call choice or free will :) napadaan lang sa bahay mo!

    ReplyDelete

Say Wuht?