19 December 2011

A Song for Nth Chances



"Nais kong hawakan ang mga kamay ng oras. Yakapin at pigilin muna ang pagdating ng bukas. Kung kaya ko lang, kung di pa naman huli. Maaari ba tayong magsimulang MULI. Para bang unang pagdampi ng mga labi."


The first time I watched this video, kinilabutan ako. Parang may mga maliliit na kuliglig na nangingiliti sa mga balahibo ko. Four thumbs up! Hands down! Itataya ko ang pangalan ko sa ganda ng music video na ito ni Ebe Dancel - "MULI".




Una. Ang gwapo ni Seph (bidang lalaki) at maganda din naman ang bidang babae. Sa una pa lang akala mo climax na dahil biglang nasagasaan yung bida. Pagkalipas ng mga susunod na eksena, at ng isa pang eksena, at ng isang isa pang eksena... aba teka! paulit-ulit lang naman! But as the music video goes on, naapreciate ko ang malalim na meaning nito. ASTIG. 


Nung una (nasa taas, pakibasa) lahat ng atensyon ko sa music video nakasentro. Sa pangalawang pagkakataon ko tong pinanood at pinakinggan, mas lalong tumindi ang paghanga ko sa kabuuan ng music video. Oo, music at video, 101% credits to both. Para sa akin isa sa mga magagaling na composer si Ebe Dancel sa kasalukuyang henerasyon ng mga musikero. Siya lang din naman ang sumulat ng ilang sumikat na kanta ng ibang banda. Going back on the song itself, simple lang naman ang mga salitang binitawan, no need for google, encyclopedia o matandang ermitanyo (oo wala siyang kinalaman dito). Simple ngunit malalim ang pinaghuhugutan...


"Kaya ba natin patawarin ang mga sarili at hilumin ang sugat na dulot ng pagkakamali. Tao rin lang ako nadadapa muling tumatayo. Kung hindi pa naman huli, maaari ba tayong magsimulang MULI..."


At dahil paulit-ulit siya sa playlist ko, napagtanto ko lang na sa buhay paulit-ulit lang mga bagay-bagay. Paulit-ulit lang ang mga problema. Paulit-ulit lang ang mga nangyayari. At paulit-ulit ka din, ako, tayo. Pero sino bang nagsabing hindi pwede umulit? Kaya nga napapanahon ang mga unlimited. At kaya nga binigyan tayo ng isang regalo na kung tawagin ay FREEDOM. Freedom to choose. At ATTITUDE lang yan men para maperfect ang eksena.


Hindi mo mababago ang pagikot ng mundo from left to right, pero pwede kang sumabay sa pagtakbo nito. Hindi mo mapipigilan ang paparating na tren lalo na kung tulog ang driver, pero pwede kang umatras sa pagtawid at hintayin itong makalagpas. Hindi mo mapipigilan ang magnanakaw lalo na hindi mo alam kung kailan siya aatake, pero pwede kang maging proactive at maging maingat. Oo hindi mo na mababawi ang mga maling nagawa mo, pero huli na ba para itama mo ito? MULI, araw-araw nagigising ka pa at binibigyan ka ng pagkakataon ulit-ulitin ang  mga bagay ngayon na di mo nagawa kahapon.


"Habang ang mga puso'y tumitibok huwag tayong mapagod sumubok."


END.

2 comments:

Say Wuht?