30 December 2013

Year-end Post - An Attempt.



December 30, 2013 | 11:43 PM

Medyo gutom, medyo di makatulog. I was waiting for Karl’s call, the usual thing to end each day, kaso mukhang nakatulog na ata si bebeboy *grin*. Nagugutom na talaga ako, ayoko nang ulitin yung kinaen ko kaning lechon at pancit canton na nakahain pa rin sa mesa, tirang putahe sa debut ng pinsan. Ayoko rin ng noodles, medyo nagpaparamdam na rin kasi ang UTI. Gusto ko ng balut. Kuha ng dalawang bente sa pitaka. Lumabas na akala mo ay tanghaling tapat at katirikan ang araw. Keri lang. Halos mga kamag-anakan ko rin naman yung mga tambay dito sa barangay, kung hindi man, mga kakilala. Lakad sa kanto, wala si ateng that’s my tomboy na nagtitinda ng balut. Tuloy ang lakad hanggang sa ikalawang bakery. Shet. Ang daming hiphop dudung slash jejemons. Wala ni isa sa kanila ang pamilyar. Pinagsalubong ko ang kilay ko sabay kunot ng konti ang noo, kunyari suplada, kunyari matapang at di papahuli ng buhay. Wala na yung paborito kong tinapay na may espeysyal keso sa loob, yung “shells”. Buns na lang at yung banana chips na tinda nila ate. Habang naglalakad pabalik ng bahay, naisip kong gumawa ng year-end blog post. Yung lovelife ko, bagong work, bagong friends, travels, activities, moments, etc. Okay, go! Isalya na ‘yan pagkauwi sa bahay.

Umupo sa sofa, binuksan ang banana chips, nilantakan. Walang isang minuto, binuksan ang laptop, nag-check ng FB, nagbukas ng bagong tab, binuksan ang blogger account. Facebook newsfeed, walang kamatayang scroll down hangga’t di ko nasisilayan yung recent post na nakita ko sa huling pagbubukas ko ng FB. Balik sa blogger dashboard, check ng mga bagong posts ng iba, basa ng kaunti, tinamad mag-comment. Ito na, clicked “Create new post”. Type ng ilang words, nakabuo ng ilang sentence, shet. Di ko mabuo yung konsepto. Bura, bura, bura. Nakipagtitigan muna sa keyboard. Bigla kong naisip di pa ko naghihilamos, solid pa yung make-up ko at nakakapa pa rin ng dila ko yung tumingang hibla ng lechon sa wisdom tooth ko.

December 31, 2013 | 12:18 AM

Sa banyo, magaan na yung mukha ko pagkatapos tanggalin ang kalahating kilo ng make-up. Habang nagto-toothbrush biglang naisip ko ulit na magbalik-tanaw sa nagdaang taon. Looking back – sige, yan na lang tema ng blog post ko. Ang dami kong di makakalimutan na tagpo para sa taong ‘to. Gusto ko isulat, uhm, siguro para meron akong balikan pagtanda ko. May sense yun, ipu-push ko.

Balik sa sala. Binuksan ulit ang laptop. Uy, may 1 notification sa FB, “MJ, want to know the 20 biggest moments in your Facebook timeline? Click here.” Clicked. Ito na lang kaya ilagay ko sa blog ko? Eh teka, puro profile pictures ko pala to na medyo maraming nag-like. Pati ako naumay. Balik sa newsfeed, check ulit ng mga happenings sa buhay ng iba. Kinuha ang cellphone, inactivate ang wi-fi, kumonek sa kapitbahay. Login sa IG, scroll down, double tap, scroll down, scroll down, double tap. Napatingin sa orasan. Malapit na pala mag-ala una. Medyo inaantok na ko. Ay teka, yung gusto ko i-blog. Binuksan ulit si blogger dashboard. Click “Create new post”. Nag-isip ng kaunti, nag-type. Nakagawa naman ng isang paragraph. Teka, ano tong pinagsasabi ko. Parang wala sa hulog man.  Ay ewan. Close. Close Tabs. Borlogs na me.

05 December 2013

Decempandabear

So, sa tingin ko ay nakita n'yo na rin 'tong picture na 'to na kumakalat ngayon sa facebook.

This photo was originally posted by Dario Ceblano. All photo credits goes to him. Ang creative lang ni kuya.


Simple lang naman yung picture diba? Kaso di ko na-gets talaga. Tipong binali-baliktad ko pa yung screen para lang makuha ko yung logic. Shinare 'to ni Monik, di ko talaga kinaya kaya tinanong ko na s'ya sa misteryong bumabalot sa litratong 'yon. 

So, ito daw yan, "The Same Bear" in other word "December". Tengene, di kinaya ng brain cells ko. Muntik na ko tumambling. Dahil di ko na-gets eh shinare ko din sa FB page ko kahapon. Yung mga sumunod na eksena ay di na talaga kinaya ng panga ko. Wala na kong nagawa kundi hinayaan ko na lang sumabog yung tawa ko sa mga tropang nag-comment dito. Buhiset eh. Kaya ito, just sharing the comment trail at kabibohan. Hindi ko na tinakpan ang mga pangalan nila, baka sakaling ma-discover sila at mabigyan ng chance humalili kay Tito, Vic and Joey.


  

Ayun lang naman. Kbye.